Региональная служба
коммуникаций
Акмолинской области

Мобильная версия Версия для слабовидящих

АҚМОЛА ОБЛЫСЫНДА ТҮЛЕКТЕР МЕКТЕПТІҢ 90 ЖЫЛДЫҒЫН ТОЙЛАУДЫ ҰЙЫМДАСТЫРДЫ

04.12.2018

       «Рухани жаңғыру» бағдарламасының, «Ауыл - ел бесігі» жобасының аясында    Жақсы ауданының Алғабас мектебінің әртүрлі жылдардағы 80-нен астам түлегі туған оқу орнының 90-жылдығына орай волейболдан және қазақ күресінен спорттық жарыстар ұйымдастырды, - деп хабарлайды Ақмола облысы ішкі саясат басқармасының Өңірлік коммуникациялар қызметі.

         Ойынға Атбасар және Жақсы аудандарының 16 командасы қатысты. Ұйымдастырушылардың өздері 400 мың теңге көлеміндегі жүлде қорын құрды.

         Мерекеге сондай-ақ әр жылдары осы оқу орнында жұмыс істеген отыздан астам педагог шақырылды.

            Қазақ күресі бойынша жарыста 82 кг салмақ дәрежесінде 1 орынды Атбасар ауданы Бастау ауылынан Нұрлан Рауят жеңіп алды. Ал 66 келіге дейінгі салмақта Алғабас ауылынан Мақсат Мухамадиев жеңіске жетті. Жақсы ауданының Жаңақийма ауылынан келген Жандос Сейтен абсолюттік категорияда жүлдегер атанды.

         Волейболда атбасарлықтар жақсы нәтиже көрсетіп,  барлық үш жүлделі орынға ие болды.
         «Үздік шабуылшы» атағы «Алғабас – 2» командасынан Айнабек Мұқановқа, ал «Үздік ойыншы» атағы «Алғабас – 1» командасынан Әділет Қабдешовке берілді.

        «Рухани жаңғыру» кабинетінің ашылуы мерейтой салтанатының тағы бір маңызды оқиғасы болды.

         Аудандық және ауылдық әкімдіктер «Нұрқад» ЖШС қолдауымен мектепке мультимедиялық жабдық пен лазерлік принтер сыйлады.

         Жылылық, қамқорлық және махаббат - балалармен жұмыс істеудің басты принциптері. 2011 жылдан бастап Есіл және Сандықтау балалар үйлерінің мұғалімдері мен ауыл тұрғындарының патронаттық тәрбиеге алған балалары білім алуда.

         Көп ұлтты мектепте оқыту қазақ тілінде жүргізіледі. Ондағы оқушылар қазақ тілін еркін меңгерген.

         Бұл мектепті бітіргендердің көпшілігі туған ауылын ұмытпайды.

        «Қазіргі езде мектепте тұрған атмосфераны сипаттау мүмкін емес. Жақында ғана біз мына тұрған парталарды  оқушы болып отырған едік, енді біз барлығымыз ересек адамдармыз. Барлығының тағдыры әр түрлі, өмір жолдары әр түрлі, бірақ бізді әрқашан біздің мектеп біріктіреді» - деп атап өтті мектеп түлектерінің бірі Жұмабек Мұқашев.

         Бүгін, мектеп қабырғасынан лайықты адамдар шықты деп сеніммен айтуға болады. Мектептің бұрынғы оқушылары келесі жылы ауылға баратын жолды жөндеуді жоспарлап отыр.